சிறப்பு விருந்தினராக நடிகர் ரஜினிகாந்தை சந்தித்து பேசிய…ரெட்ரோ படக்குழு

கார்த்திக் சுப்பராஜ் இயக்கத்தில் சூர்யா நடித்துள்ள படம் ‘ரெட்ரோ’. அவருடன் பூஜா ஹெக்டே, ஜெயராம், கருணாகரன், ஜோஜு ஜார்ஜ் உள்ளிட்ட பலர் நடித்திருக்கும் இந்த படத்திற்கு சந்தோஷ் நாராயணன் இசையமைத்துள்ளார்.

தற்போது இதன் போஸ்ட் புரொடக்ஷன் பணிகள் நடைபெற்று வருகிறது. இப்படம் மே 1ம் தேதி அன்று திரைக்கு வருகிறது. சமீபத்தில் இந்த படத்திலிருந்து வெளியான மூன்று பாடல்களும் நல்ல வரவேற்பு பெற்றன.

குறிப்பாக ‘கனிமா’ எனும் பாடல் சமூக வலைதளத்தில் வைரலாகி வருகிறது. ரெட்ரோ படத்தின் இசை வெளியீட்டு விழா வருகின்ற ஏப்ரல் 18ம் தேதி அன்று சென்னையில் உள்ள நேரு உள்விளையாட்டு அரங்கில் நடைபெறுகிறது.

இதற்கு சிறப்பு விருந்தினராக கலந்து கொள்ள நடிகர் ரஜினிகாந்தை படக்குழு சந்தித்து பேசியுள்ளனர். கடந்த சில நாட்களாக ‛ஜெயிலர் 2′ படப்பிடிப்பில் ரஜினி கோவையில் இணைந்து நடித்து வருகிறார். இதற்கிடையில் எப்படி இசை வெளியீட்டு விழா வருவார் என்பது கேள்விகுறி தான்.