லோகேஷ் கனகராஜ் – பிரபாஸ் கூட்டணி உறுதி?
லோகேஷ் கனகராஜ் இயக்கத்தில் விஜய் நடிப்பில் உருவாகி வரும் படம் ‘லியோ’. இப்படத்தை செவன் ஸ்கிரீன் ஸ்டூடியோஸ் சார்பில் லலித் குமார் தயாரிக்க, அனிருத் இசையமைத்துள்ளார்.
இதில் அர்ஜுன், சஞ்சய் தத், திரிஷா, பிரியா ஆனந்த், மன்சூர் அலிகான், மிஷ்கின், கௌதம் வாசுதேவ் மேனன், சாண்டி, மேத்யூ தாமஸ் ஆகியோர் முக்கிய கதாபாத்திரத்தில் நடிக்கின்றனர்.
இந்நிலையில், லோகேஷ் கனகராஜ் அடுத்ததாக நடிகர் பிரபாஸை வைத்து படம் இயக்க போவதாக தகவல் வெளியாகியுள்ளது.
சமீபத்தில் பேட்டி ஒன்றில் கலந்து கொண்ட இயக்குனர் லோகேஷ் கனகராஜ் இப்படம் இருவரின் திரைப்பயணத்திலும் மிகவும் முக்கியமான படமாக இருக்கும் என்றும் ‘லியோ’ படத்தின் படப்பிடிப்பிற்கு பிறகு இப்படத்தின் பணிகள் தொடங்கப்படும் என்று தெரிவித்துள்ளதாக கூறப்படுகிறது.
பிரபாஸ் இறுதியாக நடித்து வெளிவந்த படம் “ஆதிபுருஷ்”. பெரும் எதிர்பார்ப்பில் பெரும் பொருட்செலவில் எடுக்கப்பட்ட படம் எதிர்பார்த்த அளவு வெற்றியையும் பெறவில்லை. வசூலையும் பெறவில்லை.
பரபாஸ் தொடர்ந்து மூன்றாவது படமும் தோல்வியடைந்த நிலையில், லோகேஸூடன் இணையும் படம் முக்கியமான திருப்புமுனையாக அமையும் என எதிர்பார்க்கப்படுகின்றது.
