கவர்ச்சி உடையில் வந்த சமந்தாவை அலேக்காக தூக்கி ரொமான்ஸ் பண்ணிய விஜய்… வைரலாகும் வீடியோ
குஷி படத்தின் மியூசிக்கல் கான்சர்ட் நிகழ்ச்சியில் கலந்து கொண்ட சமந்தாவும், விஜய் தேவரகொண்டாவும் மேடையிலேயே ரொமான்ஸ் பண்ணி உள்ளனர்.
நடிகை சமந்தாவும், நடிகர் விஜய் தேவரகொண்டாவும் ஜோடியாக நடித்துள்ள திரைப்படம் குஷி. ஷிவா நிர்வாணா இயக்கியுள்ள இப்படம் வருகிற செப்டம்பர் 1-ந் தேதி திரையரங்குகளில் ரிலீஸ் ஆக உள்ளது. குஷி பான் இந்தியா படமாக வெளியாக உள்ளதால் அதற்கான புரமோஷன் பணிகள் தற்போதே தொடங்கிவிட்டன.
குஷி திரைப்படத்திற்கு ஹேஷம் அப்துல் வஹாப் இசையமைத்து உள்ளார். இப்படத்தின் பாடல்கள் ஏற்கனவே வெளியாகி சக்கைப்போடு போட்டு வருகின்றன. அதிலும் குறிப்பாக இப்படத்தில் இருந்து வெளியிடப்பட்ட முதல் பாடலான என் ரோஜா நீயா என்கிற பாடல் அனைத்து மொழிகளிலும் வேறலெவல் ஹிட் அடித்தது.
என் ரோஜா நீயா பாடலின் தமிழ் வரிகளை மதன் கார்க்கி எழுதி இருந்தார். அப்பாடல் முழுக்க மணிரத்னம் இயக்கிய படங்களின் பெயரை வைத்தே அவர் வரிகள் எழுதியது அப்பாடலுக்கு கூடுதல் பலம் சேர்த்தது. இதையடுத்து ஆராத்யா என்கிற பாடல் சித் ஸ்ரீராம் குரலில் மனதை வருடும் விதமாக அமைந்திருந்தது. கடைசியாக வெளியிடப்பட்ட குஷி டைட்டில் டிராக் பாடலும் ஏகோபித்த வரவேற்பை பெற்றது.
குஷி திரைப்படத்தின் ரிலீஸ் நெருங்கி வருவதால் அதற்கான புரமோஷனுன் சூடுபிடிக்க தொடங்கி உள்ளது. இப்படத்தை விஜய் தேவரகொண்டா, சமந்தா இருவருமே மலைபோல் நம்பி உள்ளனர். ஏனெனில் விஜய் தேவரகொண்டாவுக்கு கடைசியாக வெளிவந்த லைகர் திரைப்படமும், சமந்தா நடிப்பில் கடைசியாக வெளிவந்த சாகுந்தலம் திரைப்படமும் படு தோல்வி அடைந்தது.
இந்நிலையில், குஷி படத்தின் மியூசிக்கல் கான்சர்ட் நேற்று சுதந்திர தினத்தன்று நடத்தப்பட்டது. இதில் நடிகை சமந்தா, நடிகர் விஜய் தேவரகொண்டா உள்பட படக்குழுவினர் அனைவரும் கலந்துகொண்டனர்.
இந்த நிகழ்வில் சமந்தாவும், விஜய் தேவரகொண்டாவும் குஷி பட பாடலுக்கு நடனமாடி மேடையிலேயே லைவாக ரொமான்ஸ் பண்ணி ரசிகர்களுக்கு இன்ப அதிர்ச்சி கொடுத்தனர்.
கவர்ச்சி உடையில் வந்த நடிகை சமந்தாவை நடிகர் விஜய் தேவரகொண்டா அலேக்காக தூக்கி ரொமான்ஸ் பண்ணியபோது எடுத்த புகைப்படங்கள் இணையத்தில் வைரலாகி வருகிறது.
#VijayDeverakonda & #SamanthaRuthPrabhu at the #KushiMusicalConcert on-stage!! pic.twitter.com/FK6vvmbSLH
— AndhraBoxOffice.Com (@AndhraBoxOffice) August 15, 2023
