போய் வா நண்பா பாடல் 24 மணி நேரத்தில் செய்துள்ள வசூல்
தனுஷ் இயக்கம், நடிப்பில் ‘இட்லி கடை’ படத்தை ஏப்ரல் 10ம் தேதி ரசிக்கலாம் என்று காத்திருந்த ரசிகர்களுக்கு படத்தை ஆறு மாதங்கள் தள்ளி வைத்து அதிர்ச்சியைக் கொடுத்தார்கள். தனுஷின் அடுத்த வெளியீடாக ஜுன் 20ம் தேதி வெளியாக உள்ள ‘குபேரா’ படத்தின் புரமோஷனை தற்போது ஆரம்பித்துள்ளார்கள்.
நேற்று படத்தின் முதல் சிங்கிளான ‘போய் வா நண்பா’ பாடல் யு டியூப் தளத்தில் வெளியானது. தேவி ஸ்ரீ பிரசாத் இசையில் உருவான பாடலை ஐந்து மொழிகளிலும் வெளியிட்டுள்ளார்கள்.
தமிழ், தெலுங்கில் இப்பாடலை தனுஷ் பாடியுள்ளார். தனுஷ் நடிக்கும் படம் என்றாலே பாடல்களுக்கும் சேர்த்து ஒரு எதிர்பார்ப்பு வந்துவிடும்.
தனுஷ், தேவிஸ்ரீ பிரசாத் கூட்டணி நீண்ட இடைவெளிக்குப் பிறகு இணைந்துள்ள படம் ‘குபேரா’. நேற்று வெளியான பாடல் ஒரு ஆட்டமான பாடலாக அமைந்துள்ளது. ரசிகர்களின் வரவேற்பைக் கொஞ்சம் கொஞ்சமாக பெற்று வருகிறது.
24 மணி நேரத்தில் தமிழில் ஒரு மில்லியன் பார்வைகளை இப்பாடல் கடந்துள்ளது. தமிழை விட தெலுங்கில் கூடுதலாக 3 லட்சம் வரை கிடைத்துள்ளது. விரைவில் இப்படத்தின் இசை வெளியீடு நடைபெற உள்ளது.
