கோடிகளை அள்ளிய அமரன்… இயக்குனர் வாங்கிய சம்பளம் இவ்வளவு தானா?

நடிகர் சிவகார்த்திகேயன், சாய் பல்லவி லீட் கேரக்டர்களில் நடித்துள்ள அமரன் படம் கடந்த மாதம் 31ம் தேதி தீபாவளி கொண்டாட்டமாக வெளியாகி மிகப்பெரிய அளவில் ரசிகர்களை கவர்ந்து வெற்றி படமாக மாறியுள்ளது.

கடந்த ஆறு நாட்களில் இந்த படத்தின் வசூல் 163 கோடி ரூபாய்களை தாண்டியுள்ளதாக கூறப்பட்டுள்ளது. நடிகர் கமல்ஹாசனின் தயாரிப்பில் உருவாகியுள்ள அமரன் படத்தை ராஜ்குமார் பெரியசாமி இயக்கியுள்ளார்.

உணர்வுபூர்வமான காட்சிகளையும் திரைக்கதையையும் இந்த படத்தில் இணைத்துள்ள ராஜ்குமார் பெரியசாமி இந்த படத்திற்காக எவ்வளவு சம்பளம் பெற்றார் என்பது குறித்து தற்போது தகவல்கள் வெளியாகியுள்ளன.

இந்த படத்தின் ஒவ்வொரு காட்சியிலும் சிறப்பாக யோசித்து இணைத்துள்ள ராஜ்குமார் பெரியசாமி, மிகப்பெரிய அளவில் கவனம் பெற்று வருகிறார். அவரது அடுத்த படம் குறித்த தகவல்களும் அடுத்தடுத்து வந்த வண்ணம் உள்ளன.

அமரன் படத்தில் ராஜ்குமார் பெரியசாமியின் சம்பளம் குறித்த தகவல்கள் தற்போது வெளியாகி உள்ளன. அவர் இந்த படத்திற்காக 6 கோடி ரூபாய் சம்பளமாக பெற்றுள்ளதாக தகவல்கள் தெரிவிக்கின்றன. நடிகர் கமல்ஹாசனின் ராஜ்கமல் பிலிம்ஸ் இன்டர்நேஷனல் சார்பில் உருவாகியுள்ள இந்த படம் முதல் இரண்டு நாட்களிலேயே 100 கோடி கிளப்பில் இணைந்தது குறிப்பிடத்தக்கது.

அமரன் படம் மிகப்பெரிய வெற்றியை பெற்றுக் கொடுத்துள்ள நிலையில் ராஜ்குமார் பெரியசாமியின் சம்பளமும் அதிரடியாக உயர்ந்துள்ளதாக கூறப்பட்டுள்ளது.