THUG LIFE பட கதையின் ரகசியம் குறித்து உலக நாயகன் உடைத்த ரகசியம்
தமிழ் சினிமாவின் முன்னணி நட்சத்திரமாகவும், உலக நாயகன் என்று அனைத்து ரசிகர்களாலும் கொண்டாடப்படுபவர் நடிகர் கமல்ஹாசன். இவர் தற்போது மணி ரத்னம் இயக்கத்தில் தக் லைஃப் என்ற படத்தில் நடித்துள்ளார்.
இப்படம் வரும் ஜூன் 5 – ம் தேதி வெளியாக உள்ளது. படத்தின் ரிலீஸ் நெருங்கி வருவதால் புரமோஷன் பணிகளில் படக்குழுவினர் தீவிரமாக ஈடுபட்டுள்ளனர்.
இந்நிலையில், படத்தின் கதை குறித்து சில சுவாரசியமான தகவலை கமல்ஹாசன் பேட்டி ஒன்றில் பகிர்ந்துள்ளார். அதில், ” தக் லைஃப் படத்தின் கதையை நான் தான் எழுதினேன்.
அதில் இருந்து ஒரு விஷயத்தை மாற்றி கிளைமேக்ஸை வேறு ஒரு இடத்திற்கு கொண்டு சென்றுள்ளார் மணி ரத்னம்” என்று தெரிவித்துள்ளார்.
கமல்ஹாசன் முன்னதாக தலைவன் இருக்கின்றான் என்ற படத்தை எடுக்க வேண்டும் என்ற முயற்சியில் இருந்தார். அவர் எழுதிய அந்த கதைக்கு அமர் ஹைன் என டைட்டில் வைத்தார்.
இந்த கதையில் நாயகன் இறந்துவிட்டார் என அனைவரும் நினைத்துக் கொண்டிருக்க, அவர் இறக்கவில்லை உயிருடன் தான் இருக்கிறார் என்பது குறித்து படம் இருக்கும் என கூறியுள்ளார். இதனால் இந்த படத்தை சற்று மாற்றி தான் தக் லைஃப் திரைப்படம் இருக்கும் என எதிர்பார்க்கப்படுகிறது.
