சத்தமே இல்லாமல் ‘லவ் மேரேஜ்’ முடித்துள்ளார்…விக்ரம் பிரபு
பொன்னியின் செல்வன்’ படத்திற்கு பிறகு விக்ரம் பிரபுவிற்கு இறுகப்பற்று படம் தான் கொஞ்சம் பேச வைத்தது. தற்போது சத்தமே இல்லாமல் ‘லவ் மேரேஜ்’ என்ற படத்தில் நடித்து முடித்துள்ளார்.
அறிமுக இயக்குநர் சண்முக பிரியன் இயக்கத்தில் உருவாகியுள்ள இதில் கவுதம் வாசுதேவ் மேனன் இயக்கத்தில் மம்முட்டி நடித்த ‘டொமினிக் அண்ட் தி லேடீஸ் பர்ஸ்’ படத்தில் நடித்த சுஷ்மிதா பட் நாயகியாக நடித்துள்ளார்.
இவர்களுடன் மீனாட்சி தினேஷ், ரமேஷ் திலக், அருள்தாஸ், கஜ ராஜ், முருகானந்தம், கோடாங்கி வடிவேலு உள்ளிட்ட பலர் நடித்திருக்கிறார்கள். இவர்களுடன் சத்யராஜ் சிறப்பு தோற்றத்தில் நடித்திருக்கிறார்.
மதன் கிறிஸ்டோபர் ஒளிப்பதிவு செய்திருக்கும் இந்த திரைப்படத்திற்கு ஷான் ரோல்டன் இசையமைத்திருக்கிறார்.
படத்தின் பணிகள் இறுதிகட்டத்தில் உள்ளது. கோடை விடுமுறையில் வெளியிட திட்டமிடப்பட்டிருக்கிறார்கள். இந்நிலையில் இப்படத்தில் இடம் பெற்ற ‘கல்யாண கலவரம் ‘எனும் முதல் பாடலும், பாடலுக்கான ப்ரமோஷனல் வீடியோவும் வெளியிடப்பட்டிருக்கிறது.
