மலையாள சினிமாவில் எல் 2 எம்புரான் சாதனையைப் படைக்குமா???
தெலுங்கு, ஹிந்தி, கன்னடம் ஆகிய திரையுலகில் வெளியான சில படங்கள் 1000 கோடி வசூலைக் கடந்து சாதனை புரிந்துள்ளன. தமிழ் சினிமாவில் 1000 கோடி வசூல் என்பது இன்னும் கனவாகவே உள்ளது. விரைவில் அந்த சாதனையையும் பிடிக்கும் என்று எதிர்பார்க்கப்படுகிறது.
மலையாள சினிமா உலகம் சிறியது என்பதால் அங்கு 100 கோடி வசூல் என்பதே சில வருடங்களுக்கு முன்பு வரை பெரிய கனவாக இருந்தது. அந்த சாதனையை மோகன்லால் நடிப்பில் வெளிவந்த ‘புலி முருகன்’ படம் 2016ல் செய்து காட்டியது. அதன்பின் “லூசிபர், 2018, ஆவேஷம், ஏஆர்எம், மார்கோ, பிரேமலு, த கோட் லைப்’ ஆகிய படங்கள் 100 கோடி வசூலைப் பெற்றன.
மலையாள சினிமாவின் முதல் 200 கோடி படம் என்ற வசூலை கடந்த வருடம் வெளிவந்த ‘மஞ்சும்மேல் பாய்ஸ்’ திரைப்படம் பெற்றது. 240 கோடி வசூலித்த, அந்த சாதனையை ஒரு வருடம் மட்டுமே தக்க வைத்துக் கொள்ள முடிந்துள்ளது.
கடந்த வாரம் வெளிவந்த மோகன்லால் நடித்த ‘எல் 2 எம்புரான்’ படம் தற்போது 250 கோடி வசூலைக் கடந்து அந்தச தனையை முறியடித்துவிட்டது. எப்படியும் இன்னும் 50 கோடி வசூலித்து 300 கோடி வசூலைக் கடந்து முதல் 300 கோடி படம் என்ற புதிய சாதனையைப் படைக்குமா என்ற எதிர்பார்ப்பு மலையாள ரசிகர்களிடம் எழுந்துள்ளது
